चिपळूणमधील प्रसिद्ध असलेला निसर्गरम्य सवतसडा धबधबा.<br />चिपळूण शहरापासून ५ किलोमीटर अंतरावर तर रेल्वे स्टेशनपासून फक्त १ किलोमीटर अंतरावर निसर्गाच्या कुशीत वसलेला हा धबधबा आहे.<br /><br />२०० मीटर उंचीवरुन कोसळणाऱ्या या जलधारा पाहताना श्री रामदास स्वामींच्या ओळी आठवतात<br /><br />गिरीचे मस्तकी गंगा तेथुनी चालली बळे<br />धबाबा लोटती धारा धबाबा तोय आदळे ||<br /><br /><br />जुलै ते ऑक्टोबर याकाळात धबधब्याला भरपूर पाणी असते. सवतसड्याखाली भिजण्याची मजा लुटण्यासाठी पर्यटकांची खूप गर्दी असते. या कोरोनाकाळात सोशल डिस्टंन्शिंग व स्वच्छता राखणे खूप गरजेचे आहे. पर्यटकांना धबधब्यापर्यंत जाण्यासाठी प्रशासनाने पाऊलवाटहि केली आहे.<br /><br />असा हा निसर्गरम्य सवतसडा पाहायला येणार असाल तर जवळच असलेले श्री क्षेत्र परशुराम, गोवळकोटचा गोविंदगड आणि श्री देवी करंजेश्वरीचे आशिर्वाद घ्यायला विसरू नका !<br />
